Batxilergo 1en agurra
Era askotako bazkariak eta afariak egin ditugu ikastolan, baina gaurkoa tankera honetako lehenengoa izan da: ikasleek prestatu eta irakasleok bapo jan!
Mendizale Elkartean bildu gara Batxilergo 1eko ikasle eta irakasleak. Jende asko ikusi dugu lanean, batzuk hasiera-hasieratik, beste batzuk bukaeran. Gazta tarta eta trufa goxo horien errezeta ere berehala lortu behar omen dugu. Badaezpada ere, soberan geratu den guztia etxera eraman dugu!
Batzuk asteburuan mendira joan behar zuten, beste batzuk tiritak erostera (hori dakar zapata Minny Mouse estreinatzeak); bada udan Mexikora joango dena eta bada neska begiurdin batek erloju eder bat oparitu diona. Kutxarilak sudurretik zintzilikatzen zekien batek denak jarri gaitu trebezia hori ikasi nahian eta irakasle ileluzedunak oso txiste txarrak egin dizkigu.
Jakintzak gure esker ona adierazi nahi die estreineko aldiz bazkaria eskaini diguten Batxilergo 1eko ikasleei. Ondo pasa uda eta datorren urtera arte!
Filed by koro at Ekaina 20th, 2008 under Albisteak, Kurtso bukaera
eh Iras! te has lucido! jajajaja testu politte
ondo pasa udaaaaaaaaaan!
esperemosquenoshagasalgunavisitaaclasedeletrashurrengourtenoqué?
Iruzkina egilea: iesnal — 2008 Ekaina 20 @ 12:12 pm