Zuetako batzuk gaur hasiko zineten oporretan. Ea zorte ona izan duzuen eta izaten jarraitzen duzuen!

Nota banaketa: asteazkenean, ekainaren 23an, 12:00etan

Aurreko astean, Ikastolan helburu dugun heziketa integralaren  barnean,  drogomenpekotasunei buruzko ikastaro berezian parte hartu dute zuen seme-alabek.  Ikastaro horren emaitzak azaltzeko eta gurasoen kezka eta iritziak argitzeko asmoz, bilera berezia izango dugu.

Datorren asteartean, urriaren 13an, arratsaldeko 18:00etan etorriko da bere ondorioak eta ekarpenak aurkeztera ikastaroa eman duen irakaslea.

• Tokia : Jakintza ikastolan, Batxilergo 1A gelan (1go solairuan).
• Data : Urriaren 13an, 18:00etan.

Gure agurrik beroenak.

Gripea etorriko ote den, krisia joango ote den… Gauza da ikasturte hasiera hementxe bertan dugula.

Datorren ostegunean, goizeko 11etan izango duzue aurkezpena. Ostiralean klaseak normaltasunez izango dira eta hurrengo asterako adaptazio fasea bukatutzat izango dugu, ez?

Ongi etorri denori eta ostegunera arte!

Data aldaketa bat erabaki dugu eta ebaluazioa astebete beranduago izango da. Arrazoia Unibertsitateak antolatutako Orientazioarako Jardunaldiak dira, urtarrilaren 24, 31 eta otsailaren 7an baitira. Batxilergo 2. mailako ikasle dexente joatekotan denez, egokia iruditu zaigu data aldaketa hori gauzatzea.

Hala ere, DBHkoen ebaluazioekin bat egiten dutenez, irakasle batzuek garaiz zuzentzeko zailtasuna dute eta horregatik, Ingeleseko azterketa, bai Batxi1 eta baita Batxi2an ere, urtarrilaren 5ean izango da, goizeko 8:00etan. Ondoren 3. orduan klase arrunta izango da eta horrela jarraituko du urtarrilaren 12ra arte. Azterketen egutegi berria hementxe kontsulta dezakezue.

Jarrai ezazue ikasten!

Zorionak ikasleei, gurasoei, irakasleei… Aipamen berezia ikastolako mendi irteerak antolatzen dituen guraso taldearentzat, Martxan duten blogean mendira joaten ez garenak ere, ibilaldiak jarraitu ahal ditugulako.

Irakasle asko izan da merezimendua izan duena, baina Arantza De Juan nabarmenduko dugu, denbora luzez, bere ardura izan baita hau dena. Zorionak Aran! Eta Gorka, eta Angel, eta Mikel, eta Maite, eta Manu eta… Mila esker, zuen ondoan denok garelako garaile!

Eguneroko lanaren berri gure ikasle ohi batzuk ateratzen diren honetan ere ikus dezakegu. Zorionak, Eñaut! Zorionak, Ana! Zorionak, Odei! Zorionak, guztioi!

Futbolak mehatxu egin bazuen ere, giro onean afaldu genuen, bapo!  Aurten ez zen bolondres asko izan mutilen artean, baina, behin hasi eta gero, gustura ikusi genuen kamarero lerroa Jokinek prestatutako jaki goxoak mahaira ekartzen. Hura planta gure mutilena!

Jokinek iaz listoia oso goian utzi bazuen, aurtengoan ere ez da txantxetan ibili. Ez dakit ekintza honek dibertsitatearen hezkuntza, berdintasunarena, komunikazioa, ikasten ikastea ala talde lana lantzen dituen, baina ezin da behar-beharrezko konpetentzia batzuk jorratzen dituela ukatu. Aparteko entsalada, odolki tartaleta, txerriki pintxoa, sorbetea… Ez dugu asko argitzen han jasotako inpresioa, aurkezpen dotorea, zaindutako elaborazioa, erakutsitako imajinazioa. Aupa, Jokin! Fisikako proiektuak garrantzi handia du, baina kurtso bukaeran prestatzen diguzun afari hau ez da batere makala! Segi horrela!

Afaria bukatu eta pote lasai batzuk hartzera joan ginen Ordiziako tabernetara. Berriro futbola mehatxu… Dantza handirik egin gabe, taldea desegiten joan zen azkenean eta poliki-poliki bukatu genuen aurtengo despedida.

Zorte on Batxi2! Etorkizun oparoa Jakintza Ikastolatik!

Mendizale Elkartean bildu gara Batxilergo 1eko ikasle eta irakasleak. Jende asko ikusi dugu lanean, batzuk hasiera-hasieratik, beste batzuk bukaeran. Gazta tarta eta trufa goxo horien errezeta ere berehala lortu behar omen dugu. Badaezpada ere, soberan geratu den guztia etxera eraman dugu!

Batzuk asteburuan mendira joan behar zuten, beste batzuk tiritak erostera (hori dakar zapata Minny Mouse estreinatzeak); bada udan Mexikora joango dena eta bada neska begiurdin batek erloju eder bat oparitu diona. Kutxarilak sudurretik zintzilikatzen zekien batek denak jarri gaitu trebezia hori ikasi nahian eta irakasle ileluzedunak oso txiste txarrak egin dizkigu.

Jakintzak gure esker ona adierazi nahi die estreineko aldiz bazkaria eskaini diguten Batxilergo 1eko ikasleei.  Ondo pasa uda eta datorren urtera arte!

Aste horretan egin genuen, baita ere, Funtzionamendu Batzordeko bilera, guraso ordezkari, delegatu eta irakasle ordezkarien artean.

Bai bilera batean eta bai bestean, Historiako azterketaren gaia atera zen, ebaluazio garaian denbora asko hartzen ziela ikasleei eta, agian,  bi pusketatan egitea komenigarria izango zela. Plangintza osoari eragiten ziola-eta, klaustroan tratatuko genuela gaia esan genuen.

Aurreko asteartean hitz egin genuen irakasleon artean. Alde eta kontrako iritziak atera ziren bileran, beste gauza sakonagoetaraino ere joan ginen, azterketarako bakarrik ikasteko grina, ikasitakoa luzerako gordetzen ote duten edo berehala ahazten zaien… Beste klaustro ugarirako gaiak atera zitzaizkigun mahaira.

Eskari konkretuari, berriz, proba egingo genuela erantzun genion. Oraingoan egin eta ondoren berriro aztertu, hurrengo urterako erabakia hartuz.  Horrela, bada, Historiako 2. ebaluazioaren 1. zatia datorren astelehenean, urtarrilaren 21ean, izango da.  Azterketaren erdia izango da eta ez du, berak bakarrik, errekuperaziorik izango. Ebaluazio garaian, azterketa bukatutakoan erabakiko da nota eta errekuperazioa egin beharra balego, 2. ebaluazio osoaren errekuperazioa izango litzateke. Aldi berean zera gogoratu nahi dizuet: 2. ebaluazioko azterketa da eta 2 zatitan egitea adostu dugu, baina azterketa BAT da; beraz,

1. Ez aurkeztuak 5 puntu (gutxi gorabehera) hauen aukera galdu egingo du.
2. Ez aurkeztua justifikatuta balego, azterketa osoa egingo du 2. ebaluazio garaian.

Eginez ikusiko ditugu emaitzak. Edo eginez ikasiko dugu…

Ondo izan!

Potto Irratian entzuteko…

Pregoia

Gaur

Euskararen

Nazioarteko eguna ospatzen da

Munduko txooooko guztietan!

• Bai?

Bai!

Munduko txooooko guztietan!

Kontinente guztietan daudelako euskaldunak!

Eta EUSKARA

Gutxien espero dugunean entzun daitekeelako!

Lehenengo EUSKARAREN EGUNA

1949an ospatu zen, abenduaren 3an.

• Uf! Aspaldi!

Jai hau Euskal Herrian eta atzerrian ere ospatzen da:

Argentinan,

Uruguain,

Venezuelan,

Ingalaterran,

Italian…

• Uf! Urruti!

Bai!

Gaurkoan EUSKARAK bildu gaitu

Jai eguna hasi da

BAT-BI-HIRU-LAU

Jolastu

EUSKARAZ

Bizi

EUSKARAZ

Ligatu

EUSKARAZ

Ikasi

EUSKARAZ

Eta lan egin

EUSKARAREN ALDE.

Bertsoa

Bizi dugu zapalketa ,

bizi gera zapalduta,

amets bat esku artean

beldurrak ezkutatuta,

Etsaiaren gonapean

lurreraino makurtuta,

nondik gatozen eta nor

garen erabat a(ha)ztuta.(Bis)

Sentitu nahi ez duguna

sentitzera behartuta

Baina bada esperantza

Dena ez dago galduta

Euskara dugu jatorri

Egin dezagun burruka

Errazagoa_izango da

Denok eskutik helduta.(Bis)

[kml_flashembed movie="http://youtube.com/v/UDRBf31Nvd8" width="425" height="350" wmode="transparent" /]

Eusko Ikaskuntzaren sorrerarekin lotu behar dugu ospakizun hau. 1918ko irailean egin zuten lehen kongresua eta, bertan, erakundearen helburuak zehaztu ziren. Nagusiena, euskal kulturaren sustapena eta iraupena ziurtatzea izan zen. Jaio zenentik Gerra Zibilerainoko bitarte horretan, erakunderik dinamikoenetakoa izan zen Eusko Ikaskuntza:

• etorriko zen euskal unibertsitatearen diseinua egin zuen
• autonomia estatutuaren zirriborroa idatzi zuen
• uda ikastaroak antolatu zituen
• Euskaltzaindiaren sorrera bultzatu zuen
• ikastoletako testu-liburuak argitaratu zituen, e.a.
• Beste “egun” batzuen bultzatzaile ere izan zen: Antzerki eta olerki egunak, Bertsolaritza eguna…

Eusko Ikaskuntzaren ekimena bertan behera geratu zen Espainiako Gerra Zibilaren eta gerra ostearen ondorioz. Iparraldean, Joxe Miel Barandiaran saiatu zen erakundea bizirik mantentzen eta Nazioarteko Eusko Ikaskuntza bultzatu zuen. Era berean, Eukararen Eguna izendatu zen 1949ko abenduaren 3rako eta horrelaxe jarraitu du ospakizunak egutegian, Euskal Herrian ezezik, Parixen, Mexikon, Caracasen, New Yorken eta bestetan ere ospatzen delarik.

1995ean, Kanpoko Gizataldeen Lehen Mundu Biltzarrean, Uruguaiko ordezkaritzak egunaren berrindartzeko proposamena egin zuen eta euskaldunek egun handitzak zutena Euskararen Egun ofizial izendatzea eskatu zuten.

Eusko Jaurlaritzak eta Euskaltzaindiak ontzat eman zuten proposamena eta abenduaren 3a, Euskararen Eguna izendatzea erabaki zen.

Ondo pasa egun hori!!

[kml_flashembed movie="http://youtube.com/v/Hz3SRNJeUHw" width="425" height="350" wmode="transparent" /]   

http://www.euskosare.org/ene/2007/index_html?set_language=eu&cl=eu

http://blog.eitb24.com/vascopampa/2007/11/12/euskararen-nazioarteko-eguna-1/

http://www.sustatu.com/1195210274/

http://kaixo.blogspot.com/2007/11/euskararen-nazioarteko-eguna.html

http://www.basqueheritage.com/berria/eusk/index.php?artiid=6519&PHPSESSID=b908be4b52d2c86311a1a0055dc1fe88

http://www.basqueheritage.com/berria/eusk/index.php?artiid=6518

http://www.euskara.euskadi.net/r59-738/eu/contenidos/informacion/7011/eu_2446/eu_12478.html

http://www.erabili.com/zer_berri/galdezka/1101478709

http://www.euskaraz.net/Kultura/Euskararen_eguna

http://www.goiena.net/bergara/albisteak/abenduaren-3an-euskararen-eguna-egingo-dute

http://www.blogak.com/berbaizu/abenduak-3-euskararen-eguna

http://www.mondragon.edu/eps/archivos-de-destacados/euskararen-eguna-arrasaten